Denne Ellos-drivbenken har verna overvintringsplantene mot den verste frosten. På det kaldaste var den dekt med tepper og dyner, og med 2 svake varmerør ved golvet.  Eg er spent på kor store skader som vil visa seg etter kvart som veksten kjem i gang.  Til så-varmematta vil blikkenslageren lage eit passande brett, det skal hentast snart.

Border har komme på plass i kosekroken – Sålista frå 2009 er lang, og dei staudepottene som ikkje har spirt enda er på veg inn frå barnehagen

Men det har spirt mose i mange av pottene, om frøa kan spire gjennom det tjukke moselaget vil vise seg. Det ser ikkje lovande ut.

Her er lista over det som til no har komme i jorda. Mykje av dette ventar eg ikkje spiring på i år.

Ein Ellosdrivbenk har vore plassen til overvintringspottene. Den har plass til 3 undervatningsbrett, grå frå (Grønt fokus?).  I haus kjøpte vi 2 varmerøyr, kvar på 400W, anbefalt på HageGal. Vi fann dei på ein skipshandel – dei var meint for å halde frost borte i båtar.  Varmerøyra vart plassert på golvet mellom indervatningsbretta.  Eit rør har stått på det meste av vinteren. det andre har vi kopla til når det har blitt fleire minusgrader.

Då sprengkulda kom fekk vi rydda ut ullteppe og gamle dundyner frå klekottet, og drivbenken vart pakka inn etter alle kunstens reglar. Temperatur-følaren viste +/- 1-2 grader i overkant av den potta som stod nærate kanten. +5 midt i.

Ei murarbalje, 70l, med Agapantus Africanus fekk ikkje plass, så den har stått på drivhusgolvet. Då sprengkulda kom -15 og npko meir i jula, fekk også denne balja seg ei dundyne. Eg tok den av no i Februar då mildveret kom. Bladverket i overflata hadde frose, men ved rydding stakk det fram friske små skudd inne i dei frosne bladrestane – so det kan sjå lovande ut.  Kanskje ein del av denne kan prøvast ute i skogen. Eg får studere kvar snøen legg seg best.

   Halve taket er på plass – det ruvar noko meir en eg trudde. Det blir ivertfall ikkje for lite. Snart pensjonist – og endeleg får eg meg leikarhus.

  Her oppe under rafta skal det få vere lufting om sommaren – og tilpassa klossar til å tette med om vinteren. Eg prøver ut tips frå den danske drivhusbyggjaren som har lagt ut gode tips på nettet.

Tett tak

Då er taket tett. Eg har kosta på 3lags polykarbonatplater. Dei tåler mykje snø, og det kan det av og til være her.

Snø 20. Oktober

Då er leikarhuset nesten ferdig. Den gamle inngangsdøra frå huset er gjenbrukt. Eg bomma litt med høgda på sålen under det lange vindauget, so det går litt høgre opp enn dei andre – det er vel slike skjønnheitsfeil som viser at det er sjølvkonstruert.

Snart ferdig

Då er drivhuset ferdig – utvendig. Innvendig skal det bli ferdig frå snikkarane i morgon – og då er det innekosen som skal starte.    –Ikkje verst leikarhus dette?

Fyllmasse

Så då er det berre å brette opp ermane: Eit uvisst antal sandlass er lesst, køyrd og tippa der tomta er for lav. For å trøste meg sjølv, og for å sjå at det er framgang so hjelpte gubben meg med betongblanding slik at me fekk støypt ca halve solen.